കവിത

മാപ്പ്‌

ഒന്ന്

ദ്രവിക്കുമോലയില്‍ മരിക്കുമക്ഷരം

ചികഞ്ഞകത്തൊരാള്‍ മറയുമോരോ

സുകൃതങ്ങളെണ്ണി,

ഇടക്കയുണരുമ്പോല്‍ഇടയ്ക്ക്‌ ചൊല്ലുന്നു..

. ഉണര്‍ന്നിരുന്നിതുംഉണ്ണീ,

ഹൃദിസ്ഥമാക്കുക.

ജ്വലിക്കും യൌവനയുക്തിയില്‍,

വേണ്ട നിണ്റ്റെ ജരച്ച പൈതൃകമെന്ന്

തിരസ്കരിച്ചകലുമ്പോള്‍

തപിക്കുമേതോ

ഭോഗ- തര്‍ഷയില്‍

തേടുന്നിവനൊരു കാമതീര്‍ത്ഥം

രണ്ട്‌

ചോരതുപ്പി മരിക്കും പകലിന്‍

ജഢം തിന്നുടല്‍ ചീര്‍ത്ത-

രാവിന്നാസുരതകളില്‍

രമിക്കേ ഒര്‍ത്തില്ലൊ,ടുവില്‍

ഗൃഹഗര്‍ഭത്തിലാര്‍ത്തനായി

കിടക്കുമ്പോള്‍

മലിനഭൂതത്തിലേക്കൊരു നാഭീനാളി

ശ്ളഥസ്മൃതി ചേര്‍ക്കുമെന്ന്,

മനമിരുണ്ട്‌ വിങ്ങുമെന്ന്...